Ásgarður

-
Hér eru nokkrar myndir af leikskólalóð Ásgarðs. Í sumar verða gagngerar endurbætur á lóðinni og mikið verk þar framundan.

Hvammstangi

-
Hér eru tvær myndir teknar á skógræktarsvæðinu á Ásnum svokallaða fyrir ofan Hvammstanga. Horft er austur yfir Miðfjörð og Heggstaðarnes. Á næstu árum má gera ráð fyrir að þetta útsýni eigi eftir að breytast mjög mikið þegar trjáplönturnar teygja sig hærra til himins.

Framkvæmdir á leikskólalóðinni

-

Í sumar voru miklar framkvæmdir á lóð leikskólans Ásgarðs á Hvammstanga. Hér eru nokkrar myndir frá framkvæmdunum. Á myndunum hér fyrir neðan eru smiðirnir hjá ,,Reynd að smíða" að leika listir sínar, Pétur Daníelsson verktaki að krabba nýtt yfirborðsefni yfir girðinguna og Skúli verktaki frá Tannstaðabakka að koma með þökur. Það var umhverfis- og garðyrkjustjóri Húnaþings vestra sem hafði yfirumsjón með verkinu og vinnuskólinn hjálpaði til við þökulagningu og gróðursetningu nýrra trjáa.

-

Nýtt trjábeð á Laugarbakka

-

Starfsfólk og nemendur við Vinnuskóla Húnaþings vestra eru þessa dagana að vinna við gerð trjábeðs á Laugarbakka. Um er að ræða allstórt beð með náttúrugrjóti úr Miðfirði og allskyns skrauttrjám og runnum, s.s. hansarósum, myrtuvíði, loðvíði og blágreni. Ennig er verið að taka í gegn eldri trjábeð á svæðinu og til stendur að koma fyrir bekk og ruslabiðu svo íbúar og gestir geti sest niður og notið gróðursins og útsýnisins yfir Miðfjörðinn.

Lygn sjór

-
Það var ótrúlega friðsælt um að litast á Höfninni á Hvammstanga þegar ég átti þar leið um, sjórinn lygn og fáir á ferli.

-

Nokkrar myndir sem ég tók á ferð minni um Hvammstanga. Fyrsta myndin sýnir vinnuskólanemanda að hreinsa illgresi frá gangstétt, næsta sýnir nýjan bekk og trjábeð við Hvammstangabrautina, næst er það einn af flokkstjórum vinnuskólans, Gunnhildur, sem átti leið hjá, og að lokum flugdreki yfir gamla bænum.

Mikil umsvif hjá HH Gámaþjónustu

-

Það er mikið um að vera hjá HH Gámþjónustunni á Hvammstanga. Fyrir utan að sjá um alla sorphirðingu í sveitarfélaginu þá hafa þeir einnig umsjón með nýja gámasvæðinu á Hvammstangahöfn. Hér eru myndir sem ég tók af Hrannari og Matta þegar þeir voru að fylla flutningabíl af pappa sem búið var að safna og bagga saman. Pappinn er síðan keyrður í burt í endurvinnsluferli.

Eldur í Húnaþingi

-
Hér eru nokkrar af þeim myndum sem ég tók nýverið fyrir unglistahátíðina ,,Eldur í Húnaþingi 2008".

Myndir frá Hvammstanga

-

Tók þessar myndir á gamla leiksvæðinu milli Mánagötu og Hvammstangabrautar í dag. Þar er leikjanámskeið í gangi og eru krakkarnir að smíða draumahúsin sín. Sumir eru víst meira að segja búnir að hanna garðana sem eiga að koma við húsin. Benjamín Oddson og Sonja Líndal halda utan um starfið.

-



-