Sorp í Húnaþingi - tölulegar staðreyndir

-

Búið er að taka saman magntölur tengdar sorphirðu, urðun og endurvinnslu í sveitarfélaginu fyrir árið 2005. Fyrir áhugasama eru hér nokkrar tölulegar staðreyndir: Verktaka sorphirðu var greitt fyrir að losa 10350 rúmmetra úr lokuðum gámum á Hvammstangahöfn og í dreifbýli Húnaþings vestra. Þá var verktaka greitt fyrir að fjarlægja 24169 poka úr heimilistunnum. Til að sækja úrganginn úr tunnum og gámum þurfti að keyra 15261 km.

-

Árið 2005 var 17 rúmmetra timburskúffa á Hvammstangahöfn losuð 75 sinnum

-

Skúffa undir brotamálma (17m3) var losuð 33 sinnum, gámur fyrir hjólbarða (10m3) var tæmdur 17 sinnum og gámur fyrir hústæki og úrsérgengin húsgögn var tæmdur 23 sinnum árið 2005.

- Árið 2005 var Gler- og postulínsgámurinn tæmdur 6 sinnum

Söfnunargámar fyrir dagblöð, pappír og fernur eru við verslunina Bakka, Laugarbakka og við Kaupfélag Vestur-Húnvetninga. Samkvæmt tölum frá árinu 2005 voru um 8 tonn af dagblöðum og pappír sent áfram til endurvinnslu og um 1207 kg af fernum.

Mikið magn af dagblöðum og fernum safnast árlega í söfnunargámana á Hvammstanga og Laugarbakka

Móttaka fyrir pappír og bylgjupappa er við Norðurbraut á Hvammstanga. Þar er staðsettur gámur sem íbúar geta komið með skrifstofupappír, dagblöð og bylgjupappa. Nýlega hófst tilraunaverkefni í tengslum við þessa söfnun þar sem hluti hráefnisins er jarðgert í Grænulaut á Syðri Kárastöðum. Árið 2005 voru 3 tonn af pappír og pappa jarðgerð þar en vonandi verður það magn mun meira árið 2006.

-